ត្រៀមប្រវត្តិរូបសង្ខេប (CV) ឱ្យបានច្រើនច្បាប់សំរាប់ បងប្អូន និងសិស្សនិស្សិតដែលកំពុងរកការងារធ្វើ

Cambodia Job Announcements-Job Opportunities Application Forms in seminar

Cambodia Job Announcements and Job Opportunities CV Application Forms in seminar

ឱកាសការងារ ៥៨៧ កន្លែង មកដល់ទៀតហើយនៅថ្ងៃទី១២ខែកក្តដាឆ្នាំ២០១៨ ទីតាំងស្ថិតនៅក្រសួងការងារ និងបណ្តុះបណ្តាលវិជ្ជាជីវៈ ក្បែរសាលាភូមិន្ទភ្នំពេញ។ វេទិកាការងារសម្រាប់ថ្ងៃទី១២ខែកក្កដានេះផ្តល់ឱកាសការងារជិត៦០០កន្លែងសំរាប់បងប្អូន និងសិស្សនិស្សិតដែលកំពុងរកការងារធ្វើ វេទិកាការងារដែលត្រូវបានរៀបចំឡើងជារៀងរាល់ខែដោយទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ បានក្លាយជាកន្លែងដែលប្រមូលផ្តុំដោយឱកាសការងារ និងព័ត៌មានជ្រើសរើសបុគ្គលិកដ៏ទូលំទូលាយតាមរយៈកំណើននៃក្រុមហ៊ុន/សហគ្រាសនានាដែលមក ប្រើប្រាស់សេវាជ្រើសរើសបុគ្គលិករបស់រដ្ឋមួយនេះ។ គិតត្រឹមរយៈពេល៥ខែ ក្នុងឆ្នាំ២០១៨ ទីភ្នាក់ងារ ជាតិមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈបានរៀបចំវេទិកាការងារនៅតាម មជ្ឈមណ្ឌលការងារទាំង១១ខេត្តរបស់ខ្លួន បានចំនួន៣៥លើក ចុះឈ្មោះអ្នកស្វែងរកការងារធ្វើបាន ប្រមាណ ៦៧១៨នាក់ ក្នុងនោះមានអ្នកទទួលបានការងារធ្វើតាមរយៈ NEA មានចំនួន ២៨៣២ នាក់។

Cambodia Job Announcements and Job Opportunities CV Application Forms in seminar

ដោយឡែកសម្រាប់ថ្ងៃទី១២ ខែកក្កដា ឆ្នាំ២០១៨ ខាងមុខនេះ ក្រុមហ៊ុនចំនួន១០ ក្នុងនោះមាន ក្រុមហ៊ុន Smart, Park Cafe, Kofy, Goldphnee, Godend Fx Link, CDX, Metfone, តែ អៀក ហុង អ៊ិនធើប្រាយ, Dara Pay និងក្រុមហ៊ុន ឆ្នោត KPW នឹងសហការជាមួយ NEA រៀបចំវេទិកា ការងារ ដោយផ្តល់ឱកាសការងារ ចំនួនប្រមាណ៥៨៧កន្លែង។ វេទិកានេះធ្វើឡើងនៅទីភ្នាក់ងារជាតិមុខរបរ និងការងារស្ថិតក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ ចាប់ពីម៉ោង៨ព្រឹកដល់ម៉ោង៥ល្ងាច។

ព័ត៌មានបន្ថែមសូមទាក់ទងមជ្ឈមណ្ឌលការងាររាជធានីភ្នំពេញ គេហទំព័ររបស់ទីភ្នាក់ងារជាតិមុខរបរ និងការងារតាមរយះគេហទំព័រ www.nea.gov.kh និងទំព័រ facebook neakhmer ។ ទំនាក់ទំនងៈលេខ 077 232378 / 016 786655 ដើម្បីសួរព័ត៌មានបន្ថែម៕